السلام عليكم ورحمة الله وبركاته
المهم سويت المعكرونه وحطيت عليها شوية اخترعات من عندي
طلعت وااااااااااااااااااااااااو
ومازال الطلب عليها مستمر
وشرفتني قدام اهلي واهل زوجي
وهذه صورتها .......اغريكم عشان تابعون معاي الطبق
اول شئ تسلقون المعكرونه + ملح وشوية زيت
في مقلاة تقطعون بصل صغير + فلفل اخضر بارد صغير + جزر مبشور +زيت + حبة ماجي +ملح
تضيفون عليها شاورما دجاج الجاهزة من ساديا اوا امريكانا ثنيناتهم حلوين
او دجاج انتي تسوينه براحتج ....انا استخدم الشاورما لانها اسهل
تخلطونهم عدل مدل وتضبطون الملح وتحطين معكرونتج اللي جهزتها
وبالاخير تضيفون علبه كريمة كي دي دي
وهذا شكل المعكرونه بعد ما خلصت بعد اضافة الكريمة
نحط المعرونه بالبايركس ونفردها بهذا الشكل
نجيب واحد قيمر كي دي دي صغير + 3 ملاعق جبن المراعي الازرق (لذيذ وسايح) + ملعقة مايونيز
ونخلطهم مع بعض ....مثل ماتشوفون
بعدين نحط الخلطه هذه على المعكرونه بالبايركس
اخر شئ نحط شوية جبن موتزريلا .....انا احب ماركة المراعي حلوة الموتزريلا مالتهم
ندخلها الفرن ونشغله من فوق بس 3 - 5 دقايق لحد ماتحمر الموتزريلا ......وشوفوا النتيجه
وبالعاااااااااااااااااااااااااااااااااافيه
الجمعة أغسطس 13, 2010 11:20 pm
